بوسٹن ٹی پارٹی تے کافی
بوسٹن ٹی پارٹی دے واقعے توں پہلاں برطانیہ دیاں زیادہ تر امریکی کالونیاں دی اکثریت چاء پین دی عادی سی، (تے برطانیہ وچ ایہ اک خاص مشروب سی) بہرحال 1773 وچ جدوں برطانوی حکومت نے چاء تے ٹیکس ودھا دتا، تے امریکیاں نے احتجاج دے طور تے وڈی تعداد وچ درآمد کیتی ہوئی چاء دیاں پیٹیاں سمندر وچ سُٹ دتیاں۔ اس وقت دا مشہور نعرہ سی "نمائندگی دے بغیر کوئی ٹیکس نئيں"۔ اس وقت توں امریکہ وچ کافی پین نوں حب الوطنی سمجھیا جان لگا، تے کافی قومی مشروب بن گئی۔ 1973 وچ امریکی محکمہ ڈاک نے اس تقریب د‏‏ی یاد وچ اک ڈاک ٹکٹ وی جاری کيتا سی۔
کافی دے بوٹے وی 18 ویں صدی چ نویں دنیا چ اپڑے۔ بوسٹن ٹی پارٹی تک ایہ مشروب امریکہ چ مقبول نئیں سی . اودے بعد توں کافی نے برطانیہ دی مخالفت چ تے حب الوطنی دے اظہار دے طور تے چاء دی جگہ لے لئی۔ دوجے مسئلیاں تے خانہ جنگی نے وی کافی دی کھپت چ مدد دتی، فوجیاں نوں انکشاف ہویا کہ کیفین اوہناں دی توانائی نوں ودھاندی اے۔ انہاں عواملاں دی وجہ توں جو کم تاخیرنال ہنا سی (کافی دا امریکہ چ پھیلاؤ) او جلدی ہو گیا۔ صدر ٹیڈی روزویلٹ (26 ویں صدر) نوں امریکہ دے وڈے کافی پین والیاں چوں اک منیا جاندا اے۔ افواہ اے کہ او ہر روز اک گیلن کافی پیندا سی، روزویلٹ دے بارے وچ ایہ وی آکھیا جاندا اے کہ اس نے 'میکس ویل ہاؤس' کافی کمپنی دا مشہور جملہ "آخری قطرے تک بہترین" اس دا آکھیا ہویا اے۔ کیا جاندا اے کہ انہاں نیں ایہ گل اودوں کہی سی جدو‏ں انہاں نو‏ں ٹینیسی وچ اینڈریو جیکسن (7 ويں صدر) دے تاریخی گھر وچ کافی پیش کيتی گئی سی۔
18ویں صدی دے آخر تک کافی دا کاروباراک بین الاقوامی منڈی بن گیا سی تے وپاری لگاتار اس مشروب توں زیادہ توں زیادہ فائدہ چکن دے نت نئے رستے لبھن ڈئے سن۔ 1864 وچ امریکہ دے شہر پٹس برگ دے رہن والے دو پراواں جان تے چارلس اربکل نے اک نویں آٹومیٹک مشین خریدی، جیدے نال کافی دیاں بیجان نوں چھلڑاں توں وکھرا کر کے اوہناں نوں پنیا جاندا سی، اربکل تے جان نے پننی ہوئی کافی ایک ایک پاؤنڈ کاغذ دے تھیلیاں وچ بند کر کے فروخت کرنا شروع کیتی۔اس طرح اوہناں نے کافی نوں تھیلیاں چ ویچنا شروع کر دتا۔ اوہناں نے ایدا ناں "آریوسا" رکھیا تے مغربی امریکہ دے کاؤ بوائز وچ اس دی فروخت نوں کامیابی حاصل ہوئی۔ اس توں کجھ عرصے بعد "جیمز فولگر" نے وی ایہو جہیا عمل کیتا تے کیلیفورنیا دے سونے دے کان کناں نوں کافی ویچنا شروع کر دتی، اس طرح کافی پیدا کرن والیاں لئی اک نواں رستہ کھل گیا۔ اس چ میکسویل ہاؤس تے ہلز برادرز ورگے وڈے ناں شامل نیں۔
1960 دے عشرے چ کافی دی خصوصیات دے بارے چ آگاہی پھیلنا شروع ہوئی، اس توں متاثر ہوکے 1971 چ "پہلا اسٹار بک" امریکی شہر سیاٹل وچ کھولیا گیا،اس وقت اسٹا بک کافی دی ایک اہم شناخت اے، عوامی سطح تے کافی پین دا شوق ودھدا جاندا اے تے ایدے نال نال چھوٹے پیمانے تے کافی خانیاں دی تعداد ودھدی جاندی اے،اس طرح کافی ایک نفیس تجارت بن چکی اے،جو اپنے ذائقیاں دی پیچیدگی تے ماحولیاتی عوامل دی وجہ توں قابل قدر اے، جداں پاکستان وچ چاء قابل قدر اے۔
16 دسمبر 1773 ء نوں امریکی ریاست میساچوسٹس دے شہر بوسٹن دے عوام دا ایک سیاسی تے تجارتی مظاہرہ ہویا،ایدا نشانہ برطانوی پارلیمان توں منظورشد ہ "ٹی ایکٹ" سی، جہڑا 10 مئی 1773 نوں پاس ہویا،اس ایکٹ دے تحت برٹش ایسٹ انڈیا کمپنی نوں اجازت دتی گئی سی کہ او چین توں چاء خرید کے بغیر ٹیکس توں امریکی نویاں آبادیاں وچ فروخت کر سکدی اے، ایک سیاسی تنظیم "آزادی دے پتر" نیں اس ایکٹ دی سخت مخالف کیتی کہ ایہ انہاں دے حقوق دی خلاف ورزی اے، مظاہرین ( امریکی مقامی) نیں لال ہندیاں دے روپ وچ ہلا بول دتا تے ایسٹ انڈیا دی طرفوں کلائی گئی چاء دے اسٹاک نوں تباہ کر دتا، احتجاج کرن والیاں نیں بندرگاہ چ ہجاجاں تے چڑھ کے چاء دیاں ساریاں پیٹیاں سمندر وچ سٹ دتیاں،برطانوی حکومت نیں اس احتجاج نوں غداری دا عنوان دے کے سخت ردعمل دتا، اس حادثے نیں امریکی انقلاب نوں ہوا دتی تے امریکہ دا ایک تاریخ ساز واقعہ بن گیا،"اے ٹی پارٹی" برطانوی امریکہ وچ ٹی ایکٹ دے خلاف مزاحمتی تحریک دا عروج سی،ایتھے دی برطانوی نو آبادی نیں اس ایکٹ تے اعتراض کیتا کہ 'نمائندگی نیں، ٹیکس نئیں' دے اصول دے تحت اے انہاں دے حقوق دی واضح خلاف ورزی اے،ٹیکس صرف انہاں دے منتخب نمائندے ہی لے سکدے نیں،ناکہ پارلیمان،جس وچ انہاں دی نمائندگی سرے توں موجود ہی نئیں۔
اس توں علاوہ برطانوی حکومت دے زیر سایہ ایسٹ انڈیا کمپنی نوں چاء دے مقامی درآمدگان تے سبقط دتی گئی،انہاں نیں اس اقدام نوں اپنے کاروبار دی مزید حق تلفی سمجھ کر ہور ناراضگی دا اظہار کیتا۔ "بوسٹن ٹی پارٹی " دا اے واقعہ بر صغیر دی عوام نوں 1857 دی جنگ آزادی دی یاد دلاندا اے،جس دا آغاز ہندوستانی فوجیاں دیاں بدوقاں دے کارتوساں دے سرے تے گائیں یا سور دی چربی دے استعمال تے اعتراض توں ہویا سی۔
کیپو چینو
کیپو چینو دا ناں کیپو چین راہباں توں ملیا۔ کیپو چین راہب (تفصیل اگلے پیراگراف وچ) کافی پین والے نئیں سن، پر جدوں اوہناں نے اپنی کافی چ ددھ پایا تے کافی دا رنگ خاکی ہو گیا۔ ایہ رنگ 19 ویں صدی دے ایہناں کافی پین والے راہباں دے خاکی چوغیاں نال ملداجلدا لگدا سی۔ ایتھے ای پہلی دودھ والی کافی، "کیپو زینر" بنائی گئی سی، جدید دور دی چگ والی کافی کیپو چینو بہت بعد چ تیار ہوئی سی تے ایہ اک اطالوی تخلیق سی۔
کیپوچین اک عیسائی فرقہ اے، کیپو چیو اطالوی بولی چ چوغے دی ٹوپی نوں کہندے نیں۔ اس فرقے دے افراد کافی دے نال ملائے ہوئے دودھ دے رنگ دے چوغے پاندے سن۔ اس د‏ی تاریخ ایہ اے کہ 13 ويں صدی وچ اک عیسائی بزرگ فرانسس آف اسیسی نے اک فرقہ قائم کیتا، جس دے پیرو کاراں نو‏‏ں فرانسسکن کہیا جاندا سی، کیپوچینی یا کیپو چن راہباں نیں 16 ويں صدی وچ اس فرقے دے پیروکاراں د‏‏ی اصلاح دے لئی اک تحریک شروع کيتی تے لوکاں نو‏‏ں اپنے آباؤ اجداد د‏‏ی طرح سخت تے سادہ زندگی گزارنے د‏‏ی دعوت دتی۔
خاکی پھلیاں
کچی کافی پننی ہوئی کافی توں بالکل وکھری اے، جدوں بیج نوں چنیا جاندا اے تے او ہرے ہوندے نیں، پنن دے دوران نشاستہ ٹُٹ کے شکر وچ تے شکر پگھل کے راب وچ تبدیل ہو جاندی اے، تے بیجاں دا رنگ بھورا ہو جاندا اے،ایہ بالکل انج ای اے جدوں تسی روٹی پکاندے او تے اوہنوں سیک کے بھورا کردے او (ایس کیمیائی رد عمل نو 'میلارڈ' آکھیا جاندا اے۔) اس نال اک تیل وی نکل دا اے، جینوں 'کیفیو ل' آکھیا جاندا اے۔
کافی تے اٹلی
حیرت انگیز طور تے، اج کافی لئی استعمال ہون والے الفاظ اطالوی نیں، مثال دے طور تے، ایسپریسو ڈوپیو، کیپو چینو، کیفے لاٹے تے مچیاٹو۔ اس دی وجہ ایہ ہے کہ ایسپریسو مشین 19 ویں صدی وچّ اٹلی وچّ ایجاد ہوئی سی۔ ایسپریسو اک کثیف مشروب اے جہڑا ہائی پریشر دے تحت باریک پسی ہوئی کافی دے ذریعے گرم پانی نال تیار جاندا اے۔ ایسپریسو کئی ہور کافی مشروبات دی بنیاد بناندا اے، جویں کہ کیپو چینو، کیفے لاٹے، تے امریکا نو۔
'کپ آف جو'
امریکہ چ اک مشہور جملہ، "جو دا اک پیالہ"، امریکی بحریہ توں آیا اے۔ ایدے پچھے دی کہانی
ایہ اے کہ ایڈمرل جوزفس ڈینیل نے پہلی جنگ عظیم (1914-18) دے دوران جنگی بحری جہازاں تے شراب تے پابندی لا دتی سی، اس لئی کافی بہترین متبادل سی۔ ایہ وی آکھیا جاندا اے کہ اس دعوے نوں تحقیق دی لوڑ اے، کیونکہ ایہ جملہ صرف 1930 دے بعد تحریری طور تے سامنے آیا۔ دوجے کہندے نیں کہ 'جو' 'جموک' دا مخفف اے، جہڑا خود "جاوا" تے "موکا" دا مجموعہ اے۔ جاوا موکا کافی دیاں قسماں نیں۔

شتاب کافی
فوری حاضر قسم دی کافی اک جدید دور دی اہم سہولت اے، پہلے پہل ایہدا استعمال 1771 چ برطانیہ چ ہویا، اینوں بنان دا طریقہ اس وقت توں چل رہیا اے۔ امریکہ چ پہلی مشہور فوری کافی واشنگٹن کافی 1900 دے شروع چ متعارف ہوئی، تے نیس کیفے دی پھواری خشک کافی 1938 وچ آئی (پھواری: کافی دے محلول دا سپرے گرم توے تے چھڑکیا جاندا اے، ایہ فوری طور تے خشک ہو جاندا اے تے ایک سفوف دی شکل وچ اکٹھا کیتا جاندا اے، اک ہور طریقہ ایہ اے کہ کافی دے محلول نو منجمد کرکے فوری کافی بنائی جائے، یعنی اس نو ں پگھلائے بغیر بھاپ وچ تبدیل کرکے منجمد خشک کافی، جہڑی عام طور تے دکاناں تے دستیاب اے، 1960 دی دہائی توں ایہدا استعمال شروع ہویا اے۔