طیارہ بردار جہاز
یو ایس ایس رونالڈ ریگن 1,092 فٹ لما تے 6 بلین ڈالر دا امریکی طیارہ بردار جہاز اے، جہڑ ا دو ایٹمی ری ا یکٹراں نال چلدا اے۔ ایہ نمٹز کلاس دا جہاز اے۔ امریکی بحریہ دے مطابق اس دے سائز دے باوجود ایہ 30 ناٹ (نو ٹیکل میل) فی گھنٹہ توں زیادہ دی رفتار نال سفر کر سکدا اے۔ (اک زمینی میل وچ تقریباً 1.5 سمندری میل ہوندے نیں)
اس جہاز دا ناں 1981 توں 1989 تک امریکہ دے رہن والے صدر رونالڈ ریگن دے اعزاز وچ رکھیا گیا اے۔ ایہ ورجینیا دے نیوپورٹ جہاز سازی دے کارخانے وچ بنایا گیا سی تے 12 جولائی 2003 نوں اس دے مکمل ہون دی تصدیق کیتی گئی سی۔
ہر نمٹز کلاس دا طیارہ بردار جہاز 60 توں ودھ جنگی جہاز لے جا سکدا اے۔ ایہناں چ لڑاکا جہاز، آبدوز شکن طیارے، ہیلی کاپٹر تے جاسوسی جہاز شامل نیں. لیکن ایہ فہرست صرف ایہناں تک محدود نئیں اے، ایہناں طیارہ بردار جہازاں دا عملہ 3000 توں وی ودھ اے، جہڑ ا کم و بیش اک نکے شہر دی آبادی توں وی ودھ اے۔ نمٹز طیارہ بردار جہاز بیک وقت 97,000 ٹن وزنی قلعہ اے، اک نکا جیا شہر تے نالے سمندر دے وچکار اک ہوائی اڈا وی اے۔
کہانی ایتھے ختم نئیں ہوندی، بلکہ ہر طیارہ بردار جہاز دے نال کئی دوسرے جہاز وی چلدے نیں، جنہاں نو اس طیارہ بردار جہاز دا لڑاکا جتھا آکھیا جاندا اے۔ تاہم ہر طیارہ بردار جہاز دے جتھے 'لڑاکا طیارے' دی ساخت اس دے مشن دے مطابق مختلف ہوندی اے۔ کجھ دی در جہ بندی کیتی گئی اے۔ اس طرح دے گروپ و چ اک مخصوص طیارہ بردار جہاز ہوندا اے، جیس نوں کوئی لقب یا ناں دتا جاندا اے، دو گائیڈڈ میزائل بردار جہاز، طیارہ شکن توپاں نال لیس دو جہاز، تے آبدوزاں نال نبڑن لئی اک یا دو جہاز مختص کیتے جاندے نیں۔ بعض اوقات وڈی بحری مشقاں دے لئی اک طیارہ بردار جہاز وی دوسرے طیارہ بردار جہازاں دے نال مل کے اک وڈی قوت دا مظاہرہ کردا ا‏‏ے۔
امریکہ دے کول 11 طیارہ بردار جہاز نیں، اس حوالے نال امریکہ دا دنیا وچ پہلا نمبر اے، اس دے بعد عوامی جمہوریہ چین، ہندوستان، اٹلی تے برطانیہ نيں، جنہاں دے کول دو دو اے طیارہ بردار جہاز نیں، فرانس تے روس کول اک اک جہاز اے۔
اج عوامی جمہوریہ چین اپنے طیارہ بردار جہازا ں د‏‏ی تعداد وچ اضافہ کرن د‏‏ی کوشش کر رہیا ا‏‏ے، 2024 وچ چین د‏‏ی پیپلز لبریشن آرمی نیوی دے کول دو فعال طیارہ بردار جہاز، "لیائوننگ" تے "شین ڈونگ"۔ سی، اوہناں دا تیسرا جہاز "فوزیان"، ایس ویلے ٹرائلز توں لنگھ رہیا اے، عوامی جمہوریہ چین دے کول اک چوتھا طیارہ بردار جہاز وی اے، جہڑ ا 004 قسم دا اے، جہڑا طیارہ بردار جہازاں دی نویں نسل چوں اے۔