گرین لینڈ دنیا ءِ مستریں جزیرہ اِنت۔ اے دمگ ءَ 56 ہزار مردم نندوک انت۔ اگاں چہ اے ڈنمارک ءِ بادشاہی ءِ بہر اِنت بلے گرین لینڈ ءِ وتی حکومتی نظام اِنت۔

گرین لینڈ ءِ گیشتریں بہر دائرۂ قطبِ ءِ شمال ءَ اِنت۔ ایشی ءِ کلیں دمگ 2,166,086 مربع کلومیٹر (بشمول کسانیں جزیرہ) اِنت کہ ایشی ءِ تہا 1,755,637 مربع کلومیٹر دائمی برف ءِ سرا اِنت یا کہ 81 درسد ءِ نزیک ءَ۔ ادا برف ءِ کلیں کساس 2850000 کیوبک کلومیٹر ءِ کساس ءَ اِنت۔ گرین لینڈ ءِ مستریں کوہ گنبیورن فیلڈ اِنت کہ 3700 میٹر ءِ بُرز اِنت۔

گرین لینڈ ءِ شمال ءَ اقیانوس آرکٹک ، مشرق ءَ گرین لینڈ ءِ بحر ، جنوب مشرق ءَ شمالی بحر اوقیانوس ، جنوب مغرب ءَ آبنائے ڈیوس ، مغرب ءَ بافین خلیج ءُ شمال مغرب ءَ آبنائے نیریس ءُ لینکن ءِ دریا ءِ سیمسر انت۔

نزیکیں ملک کانادا انت کہ گرین لینڈ ءِ گوں مغرب ءُ جنوب مغرب ءَ دریائی سیمسر ءُ ہانس جزیرہ ءِ سرا زمینی سیمسر انت ءُ دومی نزیکیں ملک آئس لینڈ انت کہ آ جنوب مشرق ءَ انت۔

گرین لینڈ ءِ سرا سئے کلومیٹر ءِ یخ ءِ سرا بستگ، اے یخ ءِ وزن انچو مزن انت کہ گرین لینڈ ءِ زمین چہ دریا ءِ جہل ءَ ڈوب اتگ۔

گرین لینڈ ءِ موسم ٹنڈرا ءِ موسم اِنت (یک ٹنڈرا ءِ موسم)۔ اندرونی حصے ہمیشہ برف ءِ تہا ھوار اِنت، ءُ اودا درجہ حرارت 0 ڈگری سینٹی گریڈ ءَ چہ کم کم ءَ کم بیت۔

اگاں ما دارالحکومت نوک ءِ نام ءَ بہ گِریں گڑا ادا گرماگ گیشتر سرد ءُ کم اِنت ءُ زمستان اعتدال پسند اِنت۔ گرماگ ءَ ھم ایشی ءِ درجہ حرارت انچو کم مانیت کہ ادا سبزی نہ بیت۔

گرین لینڈ ءِ یخ ءِ چہ ھلاسیں دمگاں نزیک ءَ 57 ھزار مردم نندوک اَنت۔

چہ آبادی ءِ لحاظ ءَ بومی اینوئٹ 89.5 درسد ءُ ڈنمار 7.5 درسد ءُ رند ءَ کسانیں اقلیت اَنت۔

گرین لینڈ ءِ اصل مردم اینوئٹ انت۔ اے مردم چہ کوھنیں زمانگ ءَ نہ ایوک ءَ اِدا بلکیں الاسکا، کانادا، گرین لینڈ ءُ روس ءِ قطبی دمگاں ھم نشتگ اَنت۔

اینوئٹ اصل ءَ تولائی راج ءِ نسل انت۔ تولائی ہما مردم اتنت کہ روس ءَ چہ بیرنگ لینڈ برج ءَ چہ شمالی امریکہ ءُ آئی ءِ کش ءُ گور ءِ ملکاں ہجرت کتگ اتنت ءُ ادا انتہائی سردیں موسم ءَ گوں وتی زند ءَ ہمگرنچ کتگ اتنت۔ اے مردم اسکیمو انت بلے آہاں وت ءَ اسکیمو گشگ دوست نہ بیت۔ اینوئٹ گرین لینڈ ءِ آبادی ءِ 90 درسد ءِ نزیک ءَ انت۔ دگہ ڈینش، نورڈک ءُ دگہ اَنت۔

تولی ءِ مردماں نزیک ءَ 2700 ءُ 4900 سال پیسر تنگہ بیرنگ ءَ چہ گوستگ۔ اے گپ زانگ وش بیت کہ مئے موہنجو داڑو تہذیب ہم 4500 ءَ بگر داں 5000 سال ءِ عمر ءَ انت

گرین لینڈ ءِ نام ءِ سبب ھم باز دلگوش کرز اِیت۔ ناروے ءِ مردے کہ آئی ءِ نام ایرک ات آئس لینڈ ءَ چہ جلاوطن کنگ بوتگ ات۔ آئی ءَ وتی جہاز یک یخ بستگیں دمگے ءَ شُت اَنت ءُ اودا پناہ گپت۔ آئی ءَ اے جاہ ءِ نام گرونلینڈ ایر کت کہ ڈینش زبان ءَ سبزیں زمین ءِ بزانت اِنت ءُ مردماں اودا آباد بوھگ ءِ ھاترا دلبڈی بہ دنت۔

گرین لینڈ ءِ مستریں معاشی کار ماہی گیری اِنت۔ اے گپ ءَ ابید ڈنمارک ءَ چہ ھم مزنیں مالی کمکے رس ایت کہ ایشی ءِ کلیں آمدنی ءِ تہ ءَ نزیک ءَ یک سیمی بھرے ھوار اِنت۔

گرین لینڈ 1721 ءَ ڈینش ءِ ھاکمیت ءِ چیر دستی ءَ اتک کہ ڈنمارک ناروے (کہ 1814 ءَ تاں ھمے بادشاہ ءِ چیر دستی ءَ ات) ءَ گرین لینڈ ءَ مذھبی مشنری مہم دیم دات۔ اے مہم ءَ انوئٹ راج عیسائی ءِ دین ءَ بدل کت۔ ڈنمارک ءُ ناروے ءَ پد ءَ کوہ ءِ کش ءُ گوراں تجارتی کالونی جوڑ کت ءُ تجارتی انحصار ءُ دگہ نوآبادیاتی مراعات ءِ سرا زور دات۔ گرین لینڈ چہ ہمے وھد ءَ ڈینش ءِ ھاکمیت ءِ چیر ءَ اِنت۔

گرین لینڈ ءِ پارلیمانی حکومت ءِ دیم ءَ داتگ۔ ایشی ءِ بادشاہ ڈنمارک ءِ بادشاہ اِنت ءُ مزن وزیر ڈی فیکٹو حکومت ءِ سروک اِنت۔